एजेन्सी । बेल्जियन मिडफिल्डर यान्निक कारास्कोले एक गोलसँगै अर्को गोलको लागि असिस्ट दिएपछि स्पेनिस ला लिगामा एट्लेटिको मड्रिडले सानदार जित निकालेको छ ।
एट्लेटिकोले रियल बेटिसलाई ३–० ले पराजित गरेको हो । एट्लेटिकोको जितमा यान्निक कारास्को र जोआओ फेलिक्सले गोल गर्दा एक गोल उपहार पाएको थियो ।
वान्डा मेट्रोपोलिटानोमा आइतबार राति भएको खेलमा घरेलु टोलीले खेलको २६औं मिनेटमा यान्निक कारास्कोको गोलबाट अग्रता लिएको थियो । ६३औं मिनेटमा जर्मन पिज्जेलाले आत्मघाती गोल गरेपछि घरेलु टोलीले खेलमा २–० ले अघि बढ्यो । ८०औं मिनेटमा जोआओ फेलिक्सले यान्निक कारास्कोको पासमा गोल गर्दै एट्लेटिकोको जित पक्का गरे ।
जितपछि एट्लेटिको ११ खेलबाट २२ अंक जोडेर चौथो स्थानमा उक्लिएको छ । एट्लेटिकोले रियल बेटिसलाई नै पछि पारेको हो । पराजित रियल बेटिस १२ खेलबाट २१ अंक जोडेर पाँचौ स्थानमा झरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
