काठमाडौँ । राष्ट्रिय खेलकुद परिषद् (राखेप)का सदस्य सचिव रमेशकुमार सिलवाललाई बर्खास्त गरिएको छ । सोमबार बसेको मन्त्रिपरिषद् बैठकले सिलवालको स्पष्टीकरण चित्त बुझ्दो नभएको भन्दै बर्खास्त गर्ने निर्णय गरेको स्रोतले जनाएको छ ।
सरकारले यसअघि उनलाई दुई पटक स्पष्टीकरण सोधेको थियो । सिलवालले दिएको जवाफ चित्त बुझ्दो नभएको भन्दै आजको मन्त्रिपरिषद् बैठकले बर्खास्तको निर्णय गरेको हो । तत्कालीन प्रधानमन्त्री केपी ओलीले उनलाई दोस्रो पटक सदस्य सचिव नियुक्त गरेका थिए ।
सरकार परिवर्तन भएसँगै देउवा नेतृत्वको सरकारले ओली नेतृत्वको पालामा नियुक्त भएका पदाधिकारीलाई बर्खास्त गर्दै आएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
