काठमाडौं । अन्तर्राष्ट्रिय क्रिकेटबाट सन्यास लिएपछि नेपाली टिमका पूर्वकप्तान पारस खड्काले प्रधानमन्त्री शेरबहादुर देउवालाई भेटेका छन् । खड्काले शनिबार प्रधानमन्त्री निवास बालुवाटारमा पुगेर देउवालाई भेटेका हुन् ।
भेटमा प्रधानमन्त्री देउवाले पारसलाई जिन्दगीको दोस्रो इनिङको सफलतासमेत दिएको देउवाका स्वकीय सचिव भानु देउवाले जानकारी दिए । पारसले क्रिकेटमा नेपालीलाई ठूलो सपना देख्न प्रेरित गरेको प्रधानमन्त्रीको भनाइ थियो ।
देउवाले दुई दशकमा नेपाली क्रिकेटले हासिल गरेका हरेक सफलतामा पारसको योगदान रहेको चर्चा गरेका थिए । भेटमा देउवाले पारसलाई सरकारको साथ र सहयोग हुने प्रतिबद्धता जनाएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
