काठमाडौं । मदिरा चोरी गरेको आरोपमा सिराहाको इलाका प्रहरी कार्यालय लहानमा कार्यरत तीन प्रहरी निलम्बनमा परेका छन् ।
निलम्बन हुनेहरुमा प्रहरी सहायक निरीक्षक (असई) नवल किशोर ठाकुर, प्रहरी जवानद्वय अन्नु कुमार राय र नरेश कुमार राय रहेका छन् ।
ती प्रहरीले मदिरा चोरी गरी खाएको भिडियो सामाजिक सञ्जालबाट पनि बाहिरिएपछि जिल्ला प्रहरी कार्यालय सिरहाले उनीहरुलाई निलम्बन गरी अनुसन्धान अगाडि बढाएको हो ।
लहान नगरपालिका २३ गढिया चोकमा रहेको पूजा मदिरा होटलमा जेठ ९ गते राति तीनैजना प्रहरीले मदिरा चोरेको आरोप लागेपछि निलम्बन गरी अनुसन्धान सुरु प्रवक्ता, प्रहरी नायव उपरीक्षक (डीएसपी) शालिग्राम शर्माले जानकारी दिए ।
प्रहरीले सीसीटीभीले खिचेको भिडियो सार्वजनिक नगर्न होटल सञ्चालकलाई दबाब दिए पनि सामाजिक संजालमा अपलोड गरेपछि कारबाही प्रकृया अगाडि बढेको हो ।
प्रहरी नियामावली २०७१ बमोजिम आजदेखि निलम्बन गरी थप अनुसन्धान भइरहेको प्रहरी प्रवक्ता शर्माले बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
