बारा। बाराको कलैयामा दुई बालकको घाँटी रेटी हत्या गरिएको छ । कलैया उपमहानगरपालिका वडा नम्बर ७ रंगपुर निवासी दुई जना बालकको घाँटी रेटिएको अवस्थामा शव फेला परेको जिल्ला प्रहरी बाराले जनाएको छ ।
सोही वडा निवासी अब्दुल गफार अन्सारीका दुई छोरा करिब ५ वर्षीय छोरा अमन अन्सारी र करिब ८ वर्षीय उस्मान अन्सारीको घाँटी रेटेर हत्या गरिएको प्रहरीले जनाइएको छ ।
घटनाबारे थाहा पाउन साथ जिल्ला प्रहरी कार्यालयबाट प्रहरी नायब उपरीक्षक गौतम मिश्राको टोली घटनास्थल पुगेको छ ।
स्थानीयहरुका अनुसार ति बालकहरुको मृत लास आज बिहान मदर्शा टोलमा भेटिएको हो । हिजो साँझ खेल्न भनेर घरबाट निस्किएका दुई बालक हिजोदेखि नै सम्पर्कबिहिन भएका थिए ।
जिल्ला प्रहरी कार्यालयबाट मुचुल्का लिएर दुई बालकको शव पोस्टमार्टमको लागि पठाएको छ भने घटना बारे थप अनुसन्धान भइरहेको प्रहरी नायब उपरीक्षक मिश्राले बताएका छन ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
