काठमाडौं । नेपाल बैंकले ऋणपत्र विक्री खुला गरेको छ।
वार्षिक साढे ८ प्रतिशत ब्याजदरमा बैंकले बैशाख २२ गतेदेखि ‘८.५० प्रतिशत नेपाल बैंक ऋणपत्र–२०८७’ निष्काशन तथा बिक्री खुला गरेको हो । सो ऋणपत्रको अवधि १० वर्ष रहने बैंकले जनाएको छ ।
बैंकले ३ अर्ब ५० करोड बराबरको (प्रति कित्ता १ हजार अंकित दरका) ३५ लाख कित्ता ऋणपत्र निष्काशन गरेको छ ।
जस मध्ये १४ लाख कित्ता सर्बसाधारणलाई र बाँकी २१ लाख कित्ता निजि तबरबाट विक्री हुनेछ । सर्वसाधारणलाई छुट्याईएको १४ लाख कित्ता मध्ये १५ हजार कित्ता सामुहिक लगानी कोषलाई बाँडफांड गरिएको छ ।
ऋणपत्र निष्काशनको लागि नबिल इन्भेस्टमेन्ट बैंकिङ बिक्रि प्रबन्धक रहेको छ । यस ऋणपत्रमा छिटोमा बैशाख २६ गतेसम्म र सो अवधिसम्म पर्याप्त आवेदन नपरेमा ढिलोमा जेठ ५ गतेसम्म आवेदन दिन सकिने छ ।
आवेदन दिंदा न्युनतम २५ कित्ताको लागि अधिकतम ३ लाख कित्तासम्मको लागि आवेदन दिन सकिने छ ।
धितोपत्र बिक्री प्रबन्धकमा नबिल इन्भेस्टमेन्ट बैंकिङ लिमिटेड रहेको छ । मेरोशेयर अनलाइन र सीआश्वा सदस्य रहेका बैंक तथा वित्तीय संस्थाबाट आवेदन दिन सकिने छ ।
ऋणपत्र एक प्रकारको वित्तीय उपकरण हो जसमा लगानीकर्ताले उक्त ऋणपत्र जारी गर्ने संस्थाबाट निश्चित समय पश्चात् सावाँ तथा ब्याज प्राप्त गर्दछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
