काठमाडौं । लुम्बिनी प्रदेशकी सांसद विमला वली नेकपा माओवादी केन्द्र प्रवेश गरेकी छन्।
दाङमा नेकपाबाट उपनिर्वाचनमा निर्वाचित भएकी वली आइतबार माओवादी केन्द्रमा प्रवेश गरेको घोषणा गरेकी हुन्।
वलीको प्रवेशसँगै एमालेले लुम्बिनी प्रदेशमा बहुमत गुमाएको छ।
२३ फागुन ०७७ मा सर्वोच्चले नेकपा खारेज गर्दै नेकपा माओवादी केन्द्र र नेकपा एमाले ब्युँताएपछि उनले माओवादी केन्द्र रोजेकी हुन् । वलीको निर्णयसंगै ८१ सदस्यीय प्रदेशसभामा एमालेको एकल बहुमत गुमेको हो ।
माओवादी केन्द्रका सांसद सुदर्शन बरालले वलीले माओवादी केन्द्र रोजेपछि वली पार्टीमा प्रवेश गरेको औपचारिक जानकारी प्रदेश सभालाई जानकारी गराइसकेको बताए । वली स्वर्गीय प्रदेशसभा सदस्य उत्तरकुमार वलीकी पत्नी हुन् । उत्तरकुमार भने साविक एमालेबाट विजयी थिए ।
सवारी दुर्घटनामा उत्तरकुमारको निधन भएपछि भएको उपनिर्वाचनमा विमला नेकपाबाट विजयी भएकी थिइन् । वली माओवादीमा प्रवेश गरेपछि विपक्षी गठबन्धनसँग अब सभामुखबाहेक ४० सांसद पुगेको छ । लुम्बिनी प्रदेश सभामा ८१ जना सांसद छन् । संविधानको धारा १६८ ९१० अनुसार बहुमतको सरकार बनाउन ४१ सांसद आवश्यक पर्छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
