काठमाडौं । सोमबार बस्ने तय भएको नेपाली कांग्रेस केन्द्रीय कार्यसमिति बैठक स्थगित भएको छ ।
आइतबार सभापति शेरबहादुर देउवाको निवास बूढानीलकण्ठमा बसेको पदाधिकारी बैठकले यस्तो निर्णय गरेको हो ।
हाल काठमाडौंसहित उपत्यकाका तीनवटै जिल्ला र प्रमुख सहरमा कोरोना संक्रमणको जोखिम बढेकाले सबै नेताहरूले कोरोना भाइरस परीक्षण गरेपछि वैशाख १५ गते बस्ने गरी बैठक रोकिएको हो ।
बैठकमा पार्टीको महाधिवेशनका विषयमा आन्तरिक छलफल र क्रियाशील सदस्यहरूको सन्दर्भमा नेताहरुले विचार राख्ने कार्यसुची रहेको एक नेताले बताए ।
सत्तासमीकरण र प्रधानमन्त्री केपी शर्मा ओली नेतृत्वको सरकारविरुद्ध अविश्वास प्रस्ताव पारित हुने निश्चित नभएसम्म त्यसबारे हतार नगर्ने निर्णय गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
