काठमाडौं । राष्ट्रिय प्रजातन्त्र पार्टीका पूर्व केन्द्रीय सदस्य रहेका लुम्बिनी प्रदेशका तीन जना नेताहरु बुधबार नेकपा एमालेमा प्रवेश गरेका छन् ।
एमाले प्रवेश गर्नेहरुमा राष्ट्रिय प्रजातन्त्र पार्टीका केन्द्रीय सदस्य तथा रुपन्देहीका नेता राजेन्द्र पाण्डे, रुपन्देहीकै अर्का नेता तथा केन्द्रीय सदस्य नवीन पौडेल र अर्घाखाँचीका नेता एवम् केन्द्रीय सदस्य नारायण आचार्य छन् ।
तीनजना नेताहरुलाई पार्टी अध्यक्ष एवम् प्रधानमन्त्री केपी शर्मा ओली र खानेपानी मन्त्री मणि थापाले पार्टीमा भव्य स्वागत गरे ।
सो अवसरमा प्रधानमन्त्री ओलीले तीनजना नेताहरुले नेकपा एमालेको संगठन विस्तार र जनताको अपेक्षमा सकारात्मक भूमिका खेल्ने विश्वास व्यक्त गरे ।
ती नेतालाई पार्टीले उचित पद र जिम्मेवारी दिनेबारे अध्यक्ष ओली र महासचिव ईश्वर पोखरेलले गृहकार्य गरेका छन् ।
उनीहरुलाई एमालेको १० औं महाधिवेशन आयोजक कमिटीमा समेत सहभागी गराउने अध्यक्ष ओलीनिकट एक केन्द्रीय सदस्यले बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
