काठमाडौं । नेकपाकी नेतृ शान्ता चौधरी यतिबेला कोरोना भाइरसको संक्रमणसँग जुधिरहेकी छन् ।
चारदिन अघि मात्र कोरोना पोजेटिभ भएको पुष्टि भएकी नेकपा संसदीय दलकी सचेतक शान्ता चौधरीलाई अहिले आईसीयुमा सारिएको छ ।
संक्रमणको चौथो दिनमा पनि केही सुधार नआएपछि चौधरीलाई गएरातिदेखि बीर अस्पतालको आइसीयूमा सिफ्ट गरिएको उनको सचिवालयले जनाएको छ ।
उनले यसअघि आफूलाई श्वास फेर्न गाह्रो भएकाले फोन नगरिदिन सामाजिक सन्जालमार्फत् आग्रह गरेकी थिइन् । उनलाई यस अघि दम भएको थियो । चौधरीमा असोज १९ गते कोरोना संक्रमण पुष्टि भएको थियो ।
शान्ता चौधरी स्तन क्यान्सरबाट समेत पीडित भएकी थिइन् । उनले क्यान्सरको उपचार भारतको नयाँदिल्लीमा गराएकी थिइन् । क्यान्सर रोगको उपचारका लागि सरकारले दिएको पाँच लाख रकम बचेपछि उनले सरकारलाई नै फिर्ता गरेकी थिइन् ।
नेतृ चौधरीले सांसद भएपछि अध्ययनलाई अगाडी बढाएकी थिइन् । संघर्षशिल नेतृको रुपमा परिचित शान्ता चौधरी २५ वर्ष कमलरी हुँदै संविधानसभा सदस्य तथा सांसद बन्न सफल भएकी हुन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।