काठमाडौ । सातको अन्तिम दिन विहिबार नेपाल स्टक एक्सचेञ्ज (नेप्से) परिसूचकमा उत्साहजनक वृद्धि भएको छ ।
बुधबार ५.३६ अंकले बढेर बजार बन्द भएको नेप्से परिसूचक बिहिबार ३०. ७८ अंकले बढेर १५७२ १८ विन्दुमा कायम भएको छ । यसदिन १९१ कम्पनीको १ लाख १८ हजार ३ सय ४ कित्ता सेयर किनबेच भएको छ । ३ अर्ब ३१ करोड ५६ लाख ६४ हजार ३ सय १९ रुपैयाँ बराबरको कारोबार भएको छ । कारोबारमा आएका १२ वटा समूहमध्ये ११ समूहको परिसूचक उकालो लागेको छ भने १ समूहको परिसूचक ओरालो लागेका छन् ।
नेप्सेमा नन लाइफ इन्स्योरेन्सबाहेक अन्य सबै सूचकहरुमा वृद्धि भएको छ । लोमो समयपछि होटलहरुसमेत पूर्णरुपमा खुलेपछि होटल समूहको सेयरमा ठुलो उत्साह देखिएको छ । आजको कारोबारमा होटल समूहरुको १६१.५१ विन्दुको बढोत्तरी भएको छ ।
त्यस्तै, हाइड्रोपावर समूहमा पनि ८८.३८ विन्दुको बढोत्तरी आएको छ भने डेभलपमेन्ट बैंकको समुहमा ६६.४ विन्दुको बढोत्तरी आएको छ । त्यसैगरि आजको कारोबारमा लाईफ इन्स्योरेन्स ४९.८८ फाइनान्स ४१.९५ बैंकिङसमुहमा २८.०७ विन्दुमा बढोत्तरी आएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
