काठमाडौं । अमेरिकी राष्ट्रपति डोनाल्ड ट्रम्पका भाइ रोबर्ट ट्रम्पको मृत्यु भएको छ।
७२ वर्षीय रोबर्टको गएराति मृत्यु भएको राष्ट्रपति ट्रम्पले बताएका छन्।
उनलाई के रोग लागेको थियो भन्ने खुलाइएको छैन । राष्ट्रपति ट्रम्पले विज्ञप्ति जारी गर्दै भनेका छन्, ‘गह्रुंगो मनका साथ म तपाईंलाई यो जानकारी दिँदै छु कि मेरो भाइ रोबर्ट ट्रम्पले गएराति अन्तिम सास लियो । ऊ मेरो भाइमात्र थिएन, मेरो राम्रो साथी पनि थियो । उसको याद सधैं मेरो हृदयमा रहने छ।’
यसअघि ट्रम्प अपरान्ह न्यूयोर्क सिटीको अस्पतालमा उपचाररत भाइलाई भेट्न पुगेका थिए । रोबर्टले राष्ट्रपति ट्रम्पको घरजग्गा कारोबारको लगानीको व्यवस्थापनको काम गर्दै आएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
