काठमाडौं । फिफा कतार विश्वकप २०२२ र एएफसी एसिया कप चीन २०२३ को छनोट अन्तर्गतका खेल फेरि स्थगित भएको छ।
विश्वकप छनोटअन्तर्गत दोस्रो चरण तथा एसियन कप छनोट फुटबलका खेलहरु स्थगित हुने भएका हो ।
बुधबार विश्व फुटबल महासंघ (फिफा) र एसियन फुटबल महासंघ (एएफसी)ले ले संयुक्त रुपमा निर्णय गर्दै २०२२ मा कतारमा आयोजना हुने विश्वकप र २०२३ मा चीनमा हुने एसियन कपको छनोट खेलहरु स्थगित हुने जानकारी दिएको हो ।
विश्वकप छनोटअन्तर्गत दोस्रो चरणका खेल आगामी अक्टोबरदेखि नोभेम्बरसम्म हुँदै थियो । तर कोरोना भाइरसका कारण खेल तालिका सार्नु परेको एएफसीले जानकारी दिएको छ ।
रोकिएको खेल तालिका २०२१ मा हुने जनाइएको छ । नेपालले विश्वकप छनोटको दोस्रो चरणमा आफ्नै घरेलु मैदानमा तीन वटा खेल खेल्दैछ ।
यसअघिको तालिका अनुसार नेपालले असोज २२ मा चाइनिज ताइपेईविरुद्ध खेल्दै थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
