काठमाडौं । नेपाली बजारमा आज सुनको मूल्यमा भारी गिरावट आएको छ ।लगातार बढेर १ लाख ३ हजार ५ सय रुपैयाँ प्रतितोला पुगेको सुन आज एकैदिनमा घटेर ९५ हजार रुपैयाँ प्रतितोलामा कारोबार भईरहेको छ ।
नेपाल सुनचाँदी व्यवसायी महासंघका अनुसार पछिल्लो १ हप्तामा सुनको मूल्यमा ८ हजार ५ सय रुपैैयाँको गिरावट आएको छ । मंगलबार प्रतितोला १ लाख १ हजार ६ सय रुपैयाँमा कारोबार भईरहेको सुनको मूल्य आज ६ हजार ६ सय रुपैयाँले घटेको हो ।
यस्तै बुधबार चाँदीको मूल्य पनि प्रतितोला २ सय २५ रुपैयाँले ओरालो लागेको छ । मंगलबार प्रतितोला १ हजार ४ सय ३५ रुपैयाँमा कारोबार भईरहेको चाँदीको मूल्य बुधबार घटेर प्रतितोला १ हजार २ सय १० रुपैयाँ पुगेको छ । अन्तररष्ट्रिय बजारमा बुधबार सुनको मूल्यमा प्रतिऔंस २ दशमलव २९ प्रतिशतको गिरावट आउँदा १ हजार ८ सय ८२ डलरमा कारोबार भईरहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
