कैलाली । डोटीको आदर्श गाउँपालिका-१ बाँझककनीमा घर भत्किँदा एकै परिवारका चारजनाको मृत्यु भएको छ।
सोमबार राति करिब एक बजे स्थानीय लोगे विकको घर भत्किँदा एकै परिवारका चारजनाको मृत्यु भएको हो ।
मृत्यु हुनेमा ३५ वर्षीया विष्णादेवी लुहार, छोरा ११ वर्षीय पारस, छोरीहरू ७ वर्षीया सिरु र ४ वर्षीया जेनिसा रहेको प्रहरीले जनाएको छ ।
घटनामा लोगे लुहारसहित आमा पाना लुहार, सासुआमा झागी विक र सालो देबु विक घाइते छन्। घाइतेलाई उपचारका लागि शैलेश्वरी अस्पताल दीपायल पुर्याएको छ।
चारजनाको शव पोष्टमार्टमका लागि सोही अस्पतालमा राखिएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
