काठमाडौं । सरकारले राजनीतिक र प्रशासनिक नयाँ नक्सा सार्वजनिक गरेसँगै छिमेकीद्वयसहित अन्तर्राष्ट्रिय समुदायलाई दिने भएको छ।
परराष्ट्र मन्त्रालयले कालापानी, लिपुलेक र लिम्पियाधुरा समावेश भएको नक्सा संयुक्त राष्ट्रसंघमा बझुाउने तयारी गरेको छ। त्यसका लागि नेपाली सेना र नापी विभागका प्रतिनिधि सहितको एउटा कार्यदल बनिसकेको छ । आइबीएस सफ्टवेयरलाई पनि यो सिलसिलामा जोड्ने तयारी भएको छ ।
नेपाल सरकारका तर्फबाट नयाँ नक्सा संयुक्त राष्ट्रसंघ मुख्यालय न्यूयोर्कमा चिठीसहित गएको दुई साता भइसकेको छ । यसबाहेक सोही नक्सालाई विदेशस्थित नेपालका विभिन्न कूटनीतिक नियोगमा पठाइँदैछ ।
वेभ सर्च इञ्जिन गुगलले आफूखुशी चुच्चोसहितको नक्सा आफ्नो नयाँ संस्करणमा समावेश गरेको छ । तर, नेपाल सरकारको तर्फबाट गूगललाई अलग्गै चिठी लेखेर आधिकारिक रुपमै नक्सा पठाइएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
