अबैध रुपमा भित्र्याएको भन्दै प्रहरीले बरामद गरेको १५ केजी सुन नक्कली

काठमाडौं । अबैध रुपमा भित्र्याएको भन्दै प्रहरीले बरामद गरेको १५ केजी सुन नक्कली रहेको पुष्टि भएको छ।

महानगरीय प्रहरी परिसर काठमाडौंको टोलीले कमलादीबाट १५ केजी सुन बरामद गरेको जनाएको थियो। जफत भएका मध्ये एक टुक्रा सुनमात्र सक्कली बाँकी सबै नक्कली रहेको पुष्टि भएको छ।

'सुन भनेर बरामद गरेका हौं। सुन हो कि होइन चेक गराउन बाँकी छ,' सुन जफत भएसँगै एक प्रहरी अधिकृतले भनेका थिए। प्रहरीले फलो गरिरहेका एक मानिसले गाडीबाट झोला फ्याँलेर भागेका थिए। झोलामा हेर्दा सुनजस्तै धातु फेला परेको थियो।

महानगरीय प्रहरी परिसरले सुन नक्कली रहेको परीक्षणमा देखिएको जनाएको छ।

घटनाको थप अनुसन्धान भइरहेको प्रहरीले जानकारी दिएको छ। त्यस्तै, प्रहरीले दुई थान हतियार समेत बरामद गरेको छ। प्रहरीले बरामद गरेकोमध्ये एक टुक्रा सक्कली र बाँकी नक्कली देखिएको हो।

समग्र अर्थतन्त्र र शेयर बजारको नियमित अपडेटका लागि हाम्रो  फेसबुक पेजका  साथै ट्वीटर र युट्युबमा हामीलाई फलो गर्न सक्नुहुन्छ ।

एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।