काठमाडौं । स्वास्थ्य तथा जनसंख्या मन्त्रालयले निजी प्रयोगशालालाई काेराेनाको पीसीअार परीक्षण गर्न अनुमति दिनेसम्बन्धी निर्देशिका, २०७७ जारी गरेको छ ।
याेसँगै निजी प्रयाेगशालालाई स्वाब परीक्षणका लागि बाटाे खुलेकाे छ । यसका लागि के के गर्ने भनेर निर्देशिकामा उल्लेख गरिएकाे छ । साेही अनुसार निजी प्रयाेगशालाले स्वाब परीक्षण गर्न सक्नेछन् ।
उनीहरुले सरकारले संकलन गरेकाे थ्राेट स्वाबका नमुना मात्र परीक्षण गर्न पाउनेछन् ।
निर्देशिकामा पीसीआर परीक्षण गर्न इच्छुक स्वास्थ्य संस्थाले राष्ट्रिय जनस्वास्थ्य प्रयोगशालाबाट सञ्चालन गर्न अुनमति लिनुपर्ने उल्लेख छ । मापदण्ड पूरा गर्ने प्रयाेगशालाले मात्र स्वाब परीक्षण गर्न पाउने छन् ।
इच्छुक प्रयोगशलालाले दैनिक २ सय परीक्षण गर्ने क्षमता राख्नुपर्ने पनि त्यसमा उल्लेख छ । निर्देशिकामा प्रतिस्वाबका लागि पाँच हजार पाँच सय दिने उल्लेख छ ।
मन्त्रालयले असार १५ भित्र दैनिक १० हजार बढी स्वाब परीक्षण गर्ने बताइसकेकाे छ । सरकारले काेराेना परीक्षणकाे दायरा अझ बढाउन निजी प्रयाेगशालाई अनुमति दिने निर्णय गरेकाे थियाे ।
अहिले दैनिक ५ देखि ६ हजार जनाकाे नमुना परीक्षण हुने गरेकाे छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
