काठमाडौं । सप्तरीमा एक प्रहरी हबलदार बिहीबार मृत फेला परेका छन्।
जिल्ला प्रहरी कार्यालय, सप्तरीमा कार्यरत प्रहरी हबलदार ३६ वर्षीय रामबहादुर मगर ब्यारेकमा रहस्यमयरूपमा मृत अवस्थामा फेला परेका हुन्।
उनको मृत्युको कारण खुल्न सकेको छैन।
कार्यालयका प्रहरी नायब उपरीक्षक (डीएसपी) तिलक भारतीले प्रहरी हबलदार मगरको मृत्युको कारण थाहा नभएको जानकारी दिए। “शव पोस्मार्टमका लागि सगरमाथा अस्पताल पठाएका छौं। त्यसको रिपोर्ट आएपछि मृत्युको कारण पत्ता लाग्नेछ,” उनले भने।
उनले प्रहरी हबलदारको मृत्युबारे उनीसँगै बस्ने प्रहरीले खबर गरेपछि बिहान ८ बजे जानकारी पाएको बताए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
