काठमाडौं । विश्वभर कोरोना संक्रमितको संख्या ३५ लाख नाघेको छ । पछिल्लो २४ घण्टामा अर्थात आइतबार मात्रै ८१ हजार ३ सय ३० जना नयाँ संक्रमित थपिएसँगै संक्रमितको संख्या ३५ लाख ६६ हजार १ सय ९७ पुगेको हो ।
कोरोना भाइरसबाट अहिलेसम्म२ लाख ४८ हजार २ सय ८५ जनाको मृत्यु भइसकेको छ भने ११ लाख ५३ हजार ७१ जना चाहिँ निको भएर घर फर्किसकेका छन् ।
पछिल्लो २४ घण्टामा मात्रै ३ हजार ४ सय ५१ जनाले ज्यान गुमाएका छन् ।
कोरोनाबाट सबैभन्दा बढि प्रभावित भएको अमेरिकामा पछिल्लो २४ घण्टामा २६ हजार ७ सय ३६ जना संक्रमित थपिएका छन् भने १ हजार १ सय ३७ जनाको मृत्यु भएको छ ।
अमेरिकामा कोरोना संक्रमितको संख्या ११ लाख ५७ हजार ७ सय ५३ पुगेको छ भने मृतकको संख्या ६७ हजार ६ सय ७४ पुगेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
