काठमाडौं । तीन महिना अघि हिमपहिरोमा पुरिएर अन्नपूर्ण पदमार्गमा बेपत्ता कोरियन पर्यटक र नेपाली गाइडको शव निकालिएको छ ।
नेपाली सेनाले तीन महिनापछि हिमपहिरोमा पुरिएका ७ जनाको शव निकालेको हो ।
पोखरामा रहेको श्री सेकेन्ड रेन्जर बटालियनबाट खटिएको खोज तथा उद्धार टोलीले शुक्रबार एक कोरियन र एक नेपालीको शव निकालेको सैनिक जनसम्पर्क निर्देशनालयले जनाएको छ ।
पाँच वटा शव सेनाले यसअघि नै निकालेको थियो ।
०७६ माघ ३ मा कास्कीको अन्नपूर्ण गाउँपालिका–११ हिंकु केभ ईलाकामा गएको हिमपहिरोमा परेर ३ जना नेपाली गाईड र ४ जना कोरियन पर्यटक बेपत्ता भएका थिए ।
खोज तथा उद्धार अपरेशनबाट फेला परेका शव पोखरा स्वाथ्य विज्ञान प्रतिष्ठानमा राखिएको नेपाली सेनाले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
