काठमाडौं । सरकारले भूकम्प पीडितलाई अस्थायी आवास निर्माणको लागि १ अर्ब ४१ करोड रुपैयाँ निकासा गरेको छ ।
सरकारले ५ जिल्लाका भूकम्प प्रभावितलाई तत्काल अस्थायी आवास निर्माणका लागि पहिलो किस्ता उपलब्ध गराउन आज उक्त रकम निकासा गरेको हो ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार जाजरकोट र पश्चिम रुकुमका लागि ५०/५० करोड, बझाङका लागि २५ करोड, बाजुराका लागि १४ करोड र सल्यानका लागि २ करोड रुपैयाँ निकासा भएको छ ।
ती जिल्लाका भूकम्प प्रभावितले पहिलो किस्ताबापत २५ हजार रुपैयाँ पाउने छन् । अस्थायी आवास निर्माणपछि दोस्रो किस्ता बापत थप २५ हजार रुपैयाँ पाउने छन् । आवास निर्माण रकम पाउने भूकम्प प्रभावितले स्थानीय तहमा गएर अनुसूची अनुसारको निवेदन दिनुपर्नेछ ।
सम्बन्धित जिल्ला प्रशासन कार्यालयको नाममा निकासा भएको उक्त रकम तुरुन्तै स्थानीय तहमा पठाउन सरकारले सबै जिल्ला प्रशासन कार्यालयलाई परिपत्र गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
