काठमाडौं । सोमबार सुनको मूल्य कीर्तिमानी मूल्यमा स्थिर रहेको छ। मूल्यका आधारमा असार १४ गते आइतबार सुनको भाउ नेपाली बजारमा हालसम्मकै उच्च विन्दुमा पुगेको थियो ।
नेपाली बजारमा आइतबार कीर्तिमानी रेकर्ड कायम गरेको सुन सोमबार सोही मूल्यमा स्थिर बनेको हो। आइतबार भने सुन प्रतितोला ७०० रुपैयाँ र चाँदी प्रतितोला ५ रुपैयाँले वृद्धि भएको हो।
नेपाल सुनचाँदी व्यवसायी महासंघले सोमबारका लागि छापावाल सुनको मूल्य प्रतितोला ९१ हजार ३०० रुपैयाँ पुगेको छ। त्यस्तै तेजावी सुनको मूल्य प्रतितोला ९० हजार ८६० रुपैयाँ, र चाँदीको मूल्य प्रतितोला ९४५ रुपैयाँ तोकेको छ। आइतबार पनि सोही मूल्यमा कारोबार भएको थियो।
यसअघि असार १० र ११ गते सुनको मूल्य प्रतितोला ९१ हजार १०० रुपैयाँसम्म पुगर घटेको थियो। नेपाली बजारमा चाँदी असार ८ गते सर्वाधिक मूल्य अर्थात प्रतितोला ९५० रुपैयाँमा कारोबार भएको थियो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
