काठमाडौं, ११ फागुन ।एनआईसी एशिया बैंकले आफ्ना ग्राहकलाई थप फाईदाहरु पस्कदैं ‘न्यू सुपर चमत्कारिक निक्षेप योजना’हरु सार्वजनिक गरेको छ ।
एनआईसी एशिया बैंकले न्यू चमत्कारिक बचत खाता योजना सार्वजनिक गरेको छ । न्यू चमत्कारिक योजनामा ग्राहकले थप ३० वटा फाइदा पाउन सकिने बैंकले जनाएको छ ।
यो खाता खोल्दा न्युनतम ५० हजार रुपयाँदेखी २ लाख १४ हजार रुपयाँसम्मको फाइदा पाईने बैंकले जनाएको छ । यस खाता योजनामा बीमा सम्बन्धी ३ फाइदा, कर्जामा २ फाइदाका साथै २५ वटा अन्य फाइदाहरू रहेको बैंकले जनाएको छ ।
ग्राहकले दुर्घटना बीमा, घातक रोगहरू र मेडिकल बीमा अन्तर्गत २१ लाख रूपयाँ बराबरको बीमा सुविधा पाउने छन् । बीमा सुविधा अन्तर्गत खातावालाको दुर्घटनाबाट मृत्यु भएमा वा पूर्णरुपमा अशक्त भएमा १० लाख रूपैयाँसम्म र १ लाख रूपैयाँसम्मको मेडिकल बीमा समेत पाउने व्यवस्था रहेको जनाईएको छ ।
मेडिकल बीमा अन्तर्गत ग्राहकले अस्पतालमा डाक्टरको शुल्क, ल्याब टेष्ट, औषधि लगायतका खर्चहरु बापत २० हजार रूपयाँसम्म र अस्पताल भर्ना वापत ८० हजार रूपयाँँसम्मको बीमा दावी गर्न सक्नेछन् ।
खुद्रा कर्जा प्रवाहमा कर्जाको प्रशासनिक शुल्कमा २५ बेसिस प्वाइन्टसम्मको छुट प्राप्त हुनेछ भने कर्जा ब्याजदरमा सहुलियतको सुविधा दिइएको बैंकले जनाएको छ । बैंकका अनुसार उक्त बचत खाता हुने ग्राहकले ५० लाखको कर्जा उपयोग गर्दा करिब १ लाख १३ जहार रूपयाँ बराबरको ब्याज तथा कर्जा प्रशासनिक शुल्कमा फाइदा पुग्ने बताईएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
