राजश्व अनुसन्धान विभागले २३ करोड राजश्व छलेको अभियोगमा दुई फर्मविरुद्ध मुद्दा मुद्दा दर्ता गरेको छ ।
विभागले मुद्दा दर्ता गरेको फर्महरु बाट २३ करोड ६० लाख विगो असुल गर्न, विगोको दोब्बरसम्म जरिवाना गर्न र तीन बर्षसम्म कैद माग दावी गर्दै विभागले काठमाडौं जिल्ला अदालतमा मुद्दा दर्ता गरेको हो ।
राजश्व छली गर्ने फर्महरुमा हनुमान कन्ष्ट्रक्शनका प्रोपाइटर शालिकराम न्यौपाने र रेजिङ इन्टरनेशनलका प्रोपाइटर सञ्जिव मास्के रहेका छन ।
न्यौपाने विरुद्ध आठ करोड ६२ लाख विगो कायम गरी त्यसको दोब्बरसम्म जरिवाना र तीन बर्षसम्म कैद माग गरिएको छ भने मास्के विरुद्ध १४ करोड ८७ लाख बिगो कायम गरी त्यसको दोब्बरसम्म जरिवाना र तीन बर्ष कैद माग गरिएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
