काठमाडौं । यमाहा मोटरसाइकल विक्रेता कम्पनी एमएडब्ल्यु इनटरप्राइजेजले स्कुटर तथा मोटरसाइकलको मूल्य बढेको जनाएको छ। यामाहा सलुटो र एमटी–१५ को मूल्य १२ हजार र एफजेड भी३ तथा रे जेडआर १२५ स्कुटरमा १० हजार रुपैयाँले मूल्य वृद्धि भएको छ ।
अब सलुटोको मूल्य २ लाख ४६ हजार ९ सय पुगेको छ भने एमटी–१५ को मूल्य ४ लाख ८३ हजार ९ सय पुगेको छ । त्यसैगरी एमटी–१५ बीएस६ को मूल्य ४ लाख ९३ हजार ९ सय पुगेको छ ।
एफजेड भी३ स्मार्ट कनेक्टको मूल्य ३ लाख ९४ हजार ९ सय र डार्क नाइटको मूल्य ३ लाख ९९ हजार ९ सय छ भने रे जेडआर १२५ स्कुटर ड्रमको मूल्य २ लाख ६१ हजार ९ सय र र्यालीको मूल्य २ लाख ८९ हजार ९ सय रुपैयाँ छ ।
यस्तै यामाहा एफजेड एफआईको मूल्यमा ८ हजार रुपैयाँ बढेको छ भने रेजेड स्कुटरको मूल्यमा ५ हजार रुपैयाँले वृद्धि भएको छ । यसका अन्य मोटरसाइकल वा स्कुटरको मूल्य भने यथावत रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
