काठमाडौं । ताप्लेजुङमा निर्माणाधीन पाथीभरा (मुक्कुमलुङ) केबलकारको विवाद समाधन गर्न सरकार र आन्दोलनकारी बीचको वार्ता विनानिष्कर्ष टुंगिएको छ ।
आइतबार बसेको सरकार र आन्दोलनरत ‘नो केबलकार समूह’ बीचको बैठक मुख्य विषयवस्तुमा प्रवेश नै नगरी सकिएको हो ।
‘नो केबलकार समूह’ले कर्मचरीसँग नभई उच्च राजनीतिक नेतृत्व वा मन्त्रिस्तरीय टोलीसँग मात्र वार्ता गर्ने अडान लिएपछि आजको वार्ता विनानिष्कर्ष टुंगिएको हो ।
आजको बैठक सरकारका तर्फबट गृहमन्त्रालयका सहसचिव प्रेमप्रसाद भट्टराईको नेतृत्वमा वार्ता भएको थियो । तर आन्दोलनरत पक्षले उच्च राजनीतिक संयन्त्र वा मन्त्रिस्तरीय टोली खोजेपछि वार्ता रोकिएको हो । आन्दोलनरत पक्षले उच्चस्तरीय वार्ता टोली गर्न सरकारलाई आज बेलुकासम्मको अल्टिमेटम समेत दिएको छ । नत्र दोस्रोचरणको आन्दोलन घोषणा गर्ने उनीहरूको भनाइ छ ।
यसअघि माघ २३ गते सरकार र आन्दोलनरत पक्ष बीच ६ बुँदे सहमति भएको थियो । पाथीभरा केबलकारको स्टेसनमाथिको निर्माण कार्य स्थगन गर्ने र स्टेसनका सन्दर्भमा यही माघ २७ गते हुने वार्तामा विस्तृत छलफल गर्ने सहमति भएको थियो ।
त्यस्तै, सरकारले घोषणा गरेबमोजिम आन्दोलनका क्रममा घाइते भएकाहरूको निःशुल्क र प्रभावकारी रुपमा स्वास्थ्योपचार गर्ने, २०८१ माघ १२ गते भएको घटनाको विषयमा छानबिन गरी कानुनी कारबाही गर्ने, पाथीभराको केबलकारको स्टेसन माथिको निर्माण कार्य स्थगन गर्ने सहमति भएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
