काठमाडौं । विश्वमा महामारीका रुपमा फैलिएको कोरोना भाइरस खोकी, श्वासप्रश्वास, जनावर तथा नपाकेको मासु आदिबाट मान्छेमा सर्ने जनाईएको छ छुँदा, नजिकै रहँदा, हात मिलाउँदा, भाइरस रहेको सामान वा कपडा प्रयोग गर्दा पनि यो रोग एकबाट अर्कोमा सर्न सक्छ ।
यो भाईरस जनावर र मानिसबीच सर्ने भाइरस भएको डाक्टरहरुले बताएका छन् । कोरोना भाईरसबाट संक्रमित व्यक्तिमा ज्वरो आउने र खोकी लाग्ने, छिटोछिटो सास फेर्ने, श्वासप्रश्वासमा कठिनाइ हुने, गम्भीर भएमा निमोनिया हुने, मिर्गौलाले काम गर्न छोड्ने र ज्यान समेत जान सक्ने विश्व स्वास्थ्य सङ्गठनले जनाएको छ ।
विश्व स्वास्थ्य संगठनका अनुसार कोरोना भाइरस सी फूडसंग सम्बन्धित छ । अहिलेसम्म यस भाइरसबाट बच्न कुनै प्रकारको औषधि वा भ्याक्सिन बनेको छैन ।
यो रोगको लक्षण सामान्य रुघाखोकीको जस्तै हुन्छ संक्रमण नियन्त्रण नभएमा बिरामीको श्वासप्रश्वास प्रणाली फेल भएर मृत्यु हुन्छ ।
कोरोनाको लक्षणहरु के के हुन् ?
कोरोना भाइरसको संक्रमण भएपछि मानिसमा १ सय दशमलव ४ डिग्री फरेनहाइट ज्वरो आउने, सुख्खा खोकि लाग्ने, घाटि दुख्ने वा चिलाउने, साँस फेर्न ग्राहो हुने, रुघा लाग्ने लगायतको लक्षण देखिन्छ ।
यो समस्या बिस्तारै निमोनियामा बदलिन्छ र किड्नीमा समेत समस्या देखा पर्न थाल्दछ । कोरोनाको संक्रमणबाट विशेषतः फोक्सोमा गम्भीर समस्या हुने गर्दछ ।
कोरोनाको संक्रमण हुनबाट बच्ने उपायहरु
१. लकडाउनका अवधीमा अनिवार्य घरभित्र बस्नुहोस् ।
२. मानिसबाट मानिसमा सहजै सर्ने भएकाले कोरोनाको प्रसार रोक्न सामाजिक दूरी बनाउनुहोस् ।
३. पटक पटक साबुन पानीले हात धुनुहोस् ।
४. अल्कोहल युक्त हैण्ड सैनिटाइजरबाट हात सफा गर्नुहोस् ।
५. खोक्दा, हाच्छ्यु गर्दा आफ्नो नाक मुख पाखुराले वा टिस्युले छोप्नुहोस् ।
६. रुघाखोकी लागेका मानिसबाट दूरी बनाउनुहोस् ।
७. रोग प्रतिरोधात्मक शक्ति बढाउने पोषक खानेकुरा खानुहोस् ।
८. माछामासु वा अण्डा मज्जाले पकाएर मात्र खानुहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
