कोरोना संक्रमणबाट थप २४ जनाको मृत्यु , मृतकको संख्या ९८४ पुग्यो

काठमाडौं । कोरोना भाइरसको संक्रमणबाट नेपालमा थप २४ जनाको मृत्यु भएको छ।

पछिल्लो २४ घण्टामा देशभर कोरोना संक्रमणबाट थप २४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। योसँगै कोरोना संक्रमणबाट मृत्यु हुनेको संख्या ९८४ पुगेको छ।

यस्तै, सोमबार नेपालमा थप २९३३ जनामा कोरोना भाइरसको संक्रमण पुष्टि भएको छ। योसँगै कोरोना संक्रमितको संख्या १ लाख ७६ हजार ५ सय पुगेको छ भने अहिलेसम्म १ लाख ३७ हजार ९९२ जना संक्रमणमुक्त भएका छन्।

स्वास्थ्य मन्त्रालयका अनुसार सोमबारमात्रै ३१५० जना कोरोनालाई जितेर अस्पतालबाट डिस्चार्ज भएका छन्।