प्रदेश सभा सदस्यले ठाकुरले लिइन् शपथ

जनकपुर। राष्ट्रिय प्रजातन्त्र पार्टी (राप्रपा) बाट प्रदेश सभा सदस्यमा नियुक्त सरिताकुमारी ठाकुरले पद तथा गोपनीयताको शपथ लिएकी छन्।

सभामुख रामअशिष यादवले उनलाई शपथ ग्रहण गराए। राप्रपाबाट प्रदेश सभा सदस्य रहेकी कञ्चन बिच्छा नेकपा एमालेको नेतृत्वमा सरकारमा मन्त्री बनेकी थिइन्। पार्टीले उनलाई मन्त्री पदबाट फिर्ता बोलाए पनि अटेर गरेपछि अनुशासनको कारबाही गरेको थियो।

उनलाई राप्रपाले प्रदेशसभा सदस्यबाट हटाएर ठाकुरलाई नियुक्त गरेको थियो। निर्वाचन आयोगको ३० वैशाखको निर्णयअनुसार ठाकुर प्रदेशसभा सदस्यमा नियुक्त भएकी हुन्।