आईपीएल: मुम्बईको ऐतिहासिक जित

काठमाडौं। इन्डियन प्रिमियर लिग (आईपीएल)मा मुम्बई इन्डियन्सले ऐतिहासिक फराकिलो जित निकाल्दै सुरुवात गरेको छ।

आइतबार राति वनखेडे मैदानमा मुम्बईले कलकाता नाइट राइडर्सलाई ६ विकेटले हराएको हो । टस हारेर सुरुमा ब्याटिङको निम्तो पाएको कोलकाताले चार विकेटको क्षतिमा २२० रनको योगफल तयार पारेको थियो । २२१ रनको लक्ष्य मुम्बईले १९ ओभर १ बलमा चार विकेट गुमाएर २२४ रन बनाउँदै पूरा गरेको हो ।

मुम्बईको यो सानदार जितमा ओपनर रायन रिकल्टन र पूर्व कप्तान रोहित शर्माको प्रदर्शन निकै महत्त्वपूर्ण रह्यो। रिकल्टनले ४३ बलमा ४ चौका र ८ छक्काको मद्दतले सर्वाधिक ८१ रनको विष्फोटक अर्धशतकीय इनिङ खेले भने रोहित शर्माले ३८ बलमा ६ चौका र ६ छक्का प्रहार गर्दै ७८ रन बनाए। यी दुई ब्याटरबीच पहिलो विकेटका लागि भएको १४८ रनको शतकीय साझेदारी नै मुम्बईको जितको मुख्य आधार बन्यो।

केकेआरका लागि सुनील नारायण, वैभव अरोरा र कार्तिक त्यागीले समान १–१ विकेट लिए ।

यसअघि केकेआरका लागि अजिंक्य रहाणेले ४० बलमा ६७ रनको उत्कृष्ट पारी खेले भने अंगकृष रघुवंशीले २९ बलमा ५१ रन बनाए । फिन एलनले १७ बलमा ३७ रन बनाउँदै तीव्र सुरुआत दिलाएका थिए । अन्त्यतिर रिंकू सिंहले ३३ रन जोडे ।

मुम्बईका लागि शार्दुल ठाकुरले ३ विकेट लिए भने हार्दिक पाण्ड्याले १ विकेट लिए ।