यामाहाको ‘मायासँग मायाको यात्रा’ले ल्यायो विवाहको सिजनमा साथ र भरोसाको सगुन

काठमाडौँ । नेपालमा विवाहको सिजन सुरु भएसँगै यामाहाले आफ्नो वार्षिक विवाह सिजन अफर ‘यामाहाः मायासँग मायाको यात्रा’ पुनः सार्वजनिक गरेको छ। प्रेमबाट सुरु हुने नयाँ सुरुवात र जीवनको नयाँ यात्रालाई उत्सवका रूपमा प्रस्तुत गर्ने यो अभियान नेपाली संस्कृति, परम्परा र भावनामा आधारित रहेको कम्पनीले जनाएको छ।

यसले प्रत्येक अर्थपूर्ण सम्बन्धहरू हरेक पाइलामा सुरक्षित, सहज र भरोसायोग्य हुनुपर्छ भन्ने यामाहाको विश्वासलाई प्रतिबिम्बित गर्ने पनि कम्पनीले जनाएको छ। विवाहको सिजन अफर अन्तर्गत यामाहाले आकर्षक छुटहरू प्रदान गर्दै आएको छ, जसले नयाँ वैवाहिक जीवन सुरु गर्ने जोडीहरूलाई सुरक्षित र भरपर्दो सवारी साधनमा लगानी गर्न सहज बनाउने कम्पनीले जनाएको छ।

यस योजना अनुसार ग्राहकहरूले यामाहा नेपालबाट शुभ विवाहको प्रतीकस्वरूप ६ हजार रुपैयाँसम्मको नगद पुरस्कार (सगुन) प्राप्त गर्न सक्नेछन्।

यस अभियानमार्फत यामाहाले जीवनको यस महत्वपूर्ण मोडमा जोडीहरूको भरोसायोग्य साथीका रूपमा साथ दिने लक्ष्य लिएको बताएको छ। भरपर्दो प्रदर्शन, उत्कृष्ट राइडर कम्फर्ट र उन्नत सुरक्षा सुविधासहित यामाहाले जोडीहरूलाई आत्मविश्वासका साथ अगाडि बढ्न सहयोग गर्दछ।

यो पहलसँगै यामाहाले सवारी साधन मात्र नभई प्रेमलाई साथ दिने, परिवारको सुरक्षा गर्ने र नयाँ सुरुवातलाई सशक्त बनाउने ब्रान्डको रूपमा आफूलाई पुनः प्रमाणित गरेको दाबी गरेको छ। यामाहा वैवाहिक जीवनमा प्रवेश गर्दै गरेका जोडीहरूसँग सधैं साथमा रहने प्रतिबद्धता जनाउँदै, हरेक यात्रा सुरक्षित, सहज र निश्चिन्ततासहित सुरु हुने कुरा सुनिश्चित गर्ने कम्पनीले जनाएको छ।

एमएडब्लू राइड्स अन्तर्गत सञ्चालनमा रहेको यामाहा नेपाल नवीनता, प्रदर्शन र भरोसाको क्षेत्रमा अग्रणी ब्रान्डका रूपमा स्थापित छ। जापानी इन्जिनियरिङ, आकर्षक डिजाइन र रोमाञ्चक राइड अनुभवलाई एकसाथ प्रस्तुत गर्दै यामाहाले नेपाली ग्राहकहरूलाई विश्वस्तरीय दुईपाङ्ग्रे सवारी साधन उपलब्ध गराउँदै आएको छ।