तराईमा हुस्सु-कुहिरो,हिमाली र पहाडी भेगमा वर्षा-हिमपातको सम्भावना

काठमाडौं। देशभर पश्चिमी वायुको प्रभाव रहेका कारण उच्च पहाडी तथा हिमाली भागमा आंशिक बदली रहने र बाँकी भागमा मौसम मुख्यतया सफा रहने मौसम पूर्वानुमान विभागले जनाएको छ ।

विभागका अनुसार तराईका धेरै स्थानहरूमा हुस्सु लागेको छ ।

तराई भागका अधिकांश स्थानहरूमा हुस्सु-कुहिरो रहनेछ। कोशी प्रदेश, गण्डकी प्रदेश र कर्णाली प्रदेशका पहाडी तथा हिमाली भागमा आंशिक बदली रही बाँकी भागमा मौसम मुख्यतया सफा रहनेछ।

कोशी प्रदेशका उच्च पहाडी तथा हिमाली भागका एक-दुई स्थानमा हल्का वर्षा र हिमपातको सम्भावना रहेको छ।

यसको प्रभावले दैनिक जनजीवन, पर्यटन, स्वास्थ्य तथा सडक यातायातमा आंशिक प्रभाव पर्ने देखिएको छ ।