कमल थापा भन्छन् : संघीयता आवश्‍यक छैन, प्रदेश खारेज गरौं

काठमाडौं। राष्‍ट्रिय प्रजातन्त्र पार्टीका अध्यक्ष कमल थापाले नेपालमा संघीयता आवश्‍यक छैन भन्‍ने प्रमाणित भएको दाबी गरेका छन्। 

सामाजिक सञ्जालबाट नेता थापाले साे कुराको दाबी गरेका हुन् ।

थापाले प्रदेश ५ सभामा हिजो भएको तोडफोडको घटनाप्रति प्रतिक्रिया जनाउँदै केन्द्र र स्थानीय तह कायम गरी प्रदेश तह खारेज गर्नुपर्ने बताएका हुन् ।

‘५ नं प्रदेश सभा बैठकमा मन्त्रीको गैरजिम्मेवार अभिव्यक्ति र प्रमुख प्रतिपक्षी नेपाली कांग्रेसका सांसदहरूको ध्वंसात्मक कार्य निन्दनीय छ’, मगलवार ट्वीट गर्दै थापाले भनेका छन्, ‘यो घटनाको कारणले मात्र होइन, संघीयताको ५ वर्षे अनुभवले समेत संघीयता आवश्‍यक छैन भन्ने प्रमाणित भएको छ । केन्द्र र स्थानीय तह कायम गरी प्रदेश तह खारेज गरौँ।”

५नं प्रदेशसभा बैठकमा मन्त्रीको गैरजिम्मेवार अभिव्यक्ति र प्रमुख प्रतिपक्षी नेपाली कांग्रेसका सांसदहरूको ध्वंसात्मक कार्य निन्दनीय छ।
यो घटनाको कारणले मात्र होइन,संघियताको ५बर्षे अनुभवले समेत संघियता आबश्यक छैन भन्ने प्रमाणित भएको छ।केन्द्र र स्थानीयतह कायमगरी प्रदेश तह खारेज गरौँ

— Kamal Thapa (@KTnepal) October 6, 2020