साफ यू–१७ च्याम्पियनसिप ड्र सार्वजनिक: नेपाल समूह ‘ए’ मा

काठमाडौं । श्रीलंकाको कोलम्बोमा आगामी सेप्टेम्बर १५ देखि २७ सम्म आयोजना हुने साफ यू–१७ च्याम्पियनसिपको समूह चरणको ड्र आज बंगलादेशको ढाकामा सार्वजनिक गरिएको छ।

ड्रअनुसार नेपाल समूह ‘ए’ मा आयोजक श्रीलंका र बंगलादेशसँग परेको छ। समूह ‘बी’ मा गत संस्करणको विजेता भारत, पाकिस्तान, भुटान र माल्दिभ्स रहेका छन्। समूह ‘ए’ मा ३ टोली छन् भने समूह ‘बी’ मा ४ टोली सहभागी छन्।

ड्र कार्यक्रममा साफ महासचिव पुरुषोत्तम कट्टेलको उपस्थितिसहित यू–२० महिला साफ च्याम्पियनसिपका प्रशिक्षक तथा अफिसियलहरू समेत सहभागी थिए। यो प्रतियोगितामा दक्षिण एसियाका सात राष्ट्रबीच उपाधिका लागि प्रतिस्पर्धा हुनेछ।