प्रिमियर लिग : सिटीको शानदार जित, आज कोभेन्ट्री र न्युक्यासल भिड्दै

काठमाडौँ । इंग्लिस प्रिमियर लिग फुटबलमा म्यानचेस्टर सिटीले लिभरपुललाई उसकै मैदानमा ३-० गोलले पराजित गरेको छ। गएराति भएको खेलमा सिटीले दोस्रो हाफमा तीन गोल गर्दै प्रभावशाली जित निकालेको हो।

लिभरपुलको घरेलु मैदान एनफिल्डमा भएको खेलको पहिलो हाफ गोलरहित बराबरीमा सकिएको थियो। दोस्रो हाफमा सिटीले आक्रामक खेल प्रस्तुत गर्दै लगातार तीन गोल गर्‍यो। एर्लिङ हालान्डले ६५औँ मिनेटमा गोल गर्दै सिटीलाई अग्रता दिलाए। त्यसको तीन मिनेटपछि जेरेमी डोकुले गोल थपे। ७८औँ मिनेटमा रयान चेर्कीले तेस्रो गोल गरेपछि सिटीले सहज जित सुनिश्चित गर्‍यो।

लिभरपुल ६२औँ मिनेटमा रायन ग्राभेनबर्चले रातो कार्ड पाएपछि १० खेलाडीमा सीमित भएको थियो। त्यसपछि सिटीले खेलमा आफ्नो पकड बलियो बनाउँदै गोल थपेको थियो।

यस जितसँगै सिटीले लिगमा लगातार छैटौँ जित निकालेको छ। सिजनको सुरुआतदेखि उत्कृष्ट लयमा रहेको सिटीले उपाधि प्रतिस्पर्धामा आफ्नो दाबेदारी थप बलियो बनाएको छ। लिभरपुल भने घरेलु मैदानमा निराशाजनक हार बेहोर्दै अंक गुमाउन पुगेको छ।

गएराति नै भएका अन्य खेलमा क्रिस्टल प्यालेसले नटिङ्घम फरेस्टलाई ३-१ गोलले हरायो। त्यस्तै, हल सिटी र एभर्टनले २-२ गोलको बराबरी खेले।

त्यसैगरि, आज राति पनि इपिएल एक खेल हुँदैछ। आज हुने खेलमा कोभेन्ट्री सिटी र न्युक्यासल युनाइटेडबीच प्रतिस्पर्धा हुँदैछ। कोभेन्ट्रीको घरेलु मैदानमा हुने खेल नेपाली समयअनुसार मंगलबार बिहान १२ः४५ बजे सुरु हुनेछ।