आईपीएल : आज पञ्जाव र दिल्ली, कोलकता र हैदराबाद भिड्‌दै

काठमाडौँ । १७औँ संस्करणको इन्डियन प्रिमियर लिग (आईपीएल)मा आज दुई वटा खेल हुँदैछन् । शुक्रबारदेखि सुरू भएको प्रतियोगितामा शनिबार दुई वटा खेल हुँदैछन् । 

नेपाली समयअनुसार दिउँसो ३:४५ बजे हुने पहिलो खेल पञ्जाव किङ्ग्स र दिल्ली क्यापिटल्स भिड्‌दैछन् । त्यस्तै राति ७:४५ बजे सुरु हुने दोस्रो खेल कोलकता नाइट राइडर्स र सनराइज हैदराबादबीच हुनेछ ।

शुक्रबार उद्घाटन समारोहमा भारतीय सेलिब्रेटीहरू अक्षय कुमार, एआर रहमान, सोनू निगम, मोहित चौहान, नीति मोहनलगायतले प्रस्तुति दिएका थिए ।    

उद्घाटन समारोहपछि सुरु संस्करणको पहिलो खेलमा चेन्नई सुपर किङ्ग्स विजयी भएको छ । चेन्नईले रोयल च्यालेञ्जरले बैंग्लोरलाई ६ विकेटले पराजित गरेको हो ।