माओवादीकै जोडबलमा अंगीकृत नागरिकता विधेयक संसदमा आएको हो : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहालले अंगीकृत नागरिकता विधेयक आफ्नै पार्टीको जोडबलमा पारित भएको दाबी गरेका छन्। विधेयक पारित भएपछि ६/७ नागरिकताविहीन युवाले नागरिकता पाउने उनले बताए। नागरिकतासम्बन्धी समस्या आफ्नै पार्टीले समाधान गरेको दाहालको दाबी छ।

सर्लाहीको बागमती नगरपालिका–८ मा आयोजित एकीकृत अखिल नेपाल शिक्षक संगठनले आयोजना गरेको कार्यक्रममा सहभागी दाहालले भने, ‘झन्डै ६/७ लाख युवा नागरिकताविहीन भएको अवस्था थियो। यही मधेस प्रदेशमा आएर केही महिना पहिला भनेको थिएँ, अंगीकृत नागरिकता विधेयक पास गर्छाैं भनेर।’

शुक्रबार मात्रै संघीय संसदअन्तर्गत प्रतिनिधिसभाबाट नागरिकता विधेयक पारित भएको थियो।