नेपालटारमा पानी बोक्ने ट्यांकरको ठक्करबाट एक जनाको मृत्यु

काठमाडौं । राजधानीको नेपालटारमा पानी बोक्ने ट्यांकरको ठक्करबाट एक जनाको मृत्यु भएको छ । मृत्यु हुनेमा काभ्रे घर भइ हाल नेपालटारमै बस्दै आएका विष्णु प्रसाद चौलागाई रहेको प्रहरीले जनाएको छ । 

सुरक्षा गार्ड काम गर्ने उनलाई सोमबार बिहान ग्यास लिन नजिकैको डिलरमा जाँदा बा २ ख ५२७५ नम्बरको ट्यांकरले ठक्कर दिएको थियो घाइते उनलाई तत्काल सामाखुसीस्थित ग्रिनसीटी अस्पताल पुर्याइएपनि चिकित्सकले केहीबेरमै मृत घोषित गरेका थिए । 

अहिले ट्यांकर र त्यसका चालकलाई नियन्त्रणमा लिएर थप अनुसन्धान गरिरहेको महानगरीय प्रहरी वृत्त बालाजुले जनाएको छ ।