कांग्रेस महाधिवेशन : थप ५ जिल्लाको क्रियाशील सदस्यको सूची सार्वजनिक

काठमाडौं । नेपाली कांग्रेसको १४ महाधिवेशनका क्रममा क्रियाशील सदस्यता विवाद रहेका १३ जिल्ला मध्य ५ जिल्लामा क्रियाशील सदस्यता विवाद समाधान भएको छ  ।

कांग्रेस निर्वाचन समितिका संयोजक महादेवप्रसाद यादवका अनुसार क्रियाशील सदस्यदाता विवाद कायम रहेका १३ जिल्ला माध्य सिरहा, महोत्तरी, बाँके, डोल्पा र सुर्खेतको विवाद समाधान भएको हो ।

कांग्रेसमा अझै ८ जिल्लाको क्रियाशील सदस्यता सूची सार्वजनिक हुन सकेको छैन। प्रदेश नम्बर २ का अधिकांश जिल्लाको सूची सार्वजनिक हुन सकेको छैन। सम्भवत आज बाँकी ८ जिल्लाको क्रियाशील सदस्यता सूची सार्वजनिक हुने निर्वाचन समितिका एक सदस्यले बताए।

शुक्रबार बसेको कांग्रेस पदाधिकारी बैठकले छिट्टै क्रियाशील सदस्यताको सूची प्रकाशित गरेर दसैंअगाडि नै वडा र गाउँ–नगर अधिवेशन गर्ने निर्णय गरेको थियो।