कमल थापा भन्छन् : नाटकीय परिवर्तन भएन भने प्रधानमन्त्रीबाट आजै राजीनामा आउला

काठमाडौं । राष्ट्रिय प्रजातन्त्र पार्टीका अध्यक्ष कमल थापाले कुनै नाटकीय परिवर्तन भएन भने प्रधानमन्त्री केपी शर्मा ओलीबाट आजै राजीनामा आउने अनुमान गरेका छन्।

‘अनेक विवाद र असफलताका वावजुद लिम्पियाधुरासहितको ‘चुच्चे’ नक्सा प्रकाशन र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भैरहने छ’ अध्यक्ष थापाले सोमबार बिहान सामाजिक सञ्जालमा ट्वीट गर्दै यस्तो बताएका हुन् । 

प्रधानमन्त्री ओलीले आज विश्वासको मत लिदैछन् । अध्यक्ष थापाले प्रधानमन्त्री ओलीलाई मेन्सन गर्दै नाटकीय परिवर्तन नभए आज प्रधानमन्त्रीले विश्वासको मत गुमाउने बताएका छन् ।

आजै राजीनामा आउने अड्कल पनि थापाको छ । अध्यक्ष थापाले ओली फेरि प्रधानमन्त्री बन्न सक्ने पनि बताएका छन् । 

नाटकिय परिवर्तन भएन भने आज प्रम @kpsharmaoli ले संसदमा बिश्वासको मत गुमाउनु हुनेछ।आजै राजीनामा आउला।फेरि प्रम बन्न सक्नुहोला।
जेहोस् अनेक विवाद/असफलताका वावजुद लिम्पियाधुरासहितको ‘चुच्चे’ नक्सा प्रकाशन र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भैरहने छ

— Kamal Thapa (@KTnepal) May 10, 2021