काठमाडौं । नेपाली कांग्रेसको केन्द्रीय कार्यसमिति बैठक वैशाख ५ गते बस्ने भएको छ । पार्टी मुख्यसचिव कृष्णप्रसाद पौडेलकाअनुसार आज स्थगित बैठक अब वैशाख ५ गते दिउँसो २ बजेका लागि बोलाइएको हो ।
वरिष्ठ नेता रामचन्द्र पौडेलका भाइको निधन भएपछि आज बस्ने केन्द्रीय समिति बैठक स्थगित भएको थियो ।
कांग्रेसले १४ औं महाधिवेशनको कार्यतालिका तथा क्रियाशील सदस्यता वितरण र नवीकरणका काम गर्न समय थप गर्न केन्द्रीय समिति बैठक बोलाएको हो ।
कांग्रेसको महाधिवेशन भदौ ७ देखि गर्ने कार्यतालिका छ । महाधिवेशनका लागि आवश्यक पर्ने क्रियाशील सदस्यता वितरणका काम सिन्धुपाल्चोकलगायत केही जिल्लामा सुरु नै भएका छैनन् ।
About Us
Comment