सुनको मूल्य तोलामा दुई हजार घट्यो,कतिमा हुँदैछ कारोबार ?

काठमाडौं  ।  मंगलबार  छापावाल सुनको मूल्य प्रतितोला दुई हजार रुपैयाँले घटेको  छ ।

म‌ंगलबार सुन प्रतितोला ७५ हजार ५ सय रुपैयाँमा कारोबार नेपाल सुनचाँदी व्यवसायी महासंघले जनाएको छ ।  सुनको भाउ सोमबार पाँच सय रुपैयाँ बढेर तोलाको ७७ हजार ५ सय रुपैयाँ पुगेको थियो ।

मंगलबार चाँदीको भाउ तोलामा ८० रुपैयाँ घटेको छ । चाँदी तोलामा ७ सय १० रुपैयाँमा कारोबार भइरहेको महासंघले जनाएको छ । 

सोमबार चाँदी प्रतितोला ७ सय ९० रुपैयाँमा कारोबार भएको थियो ।