सुनको मूल्य बढ्यो, प्रतितोला कति ?

काठमाडौं । नेपाली बजारमा लगातार घटेको सुनचाँदीको मूल्य आज बढेको छ । आज नेपाली बजारमा सुनको मूल्य तोलामा ४ सय रुपैयाँले बढेको नेपाल सुनचाँदी व्यवसायी महासंघले जनाएको छ । 

नेपाली बजारमा आज छापावाल सुन प्रतितोला ८८ हजार ७ सय रुपैयाँमा कारोबार भइरहेको छ । तेजाबी सुन प्रतितोला ८८ हजार २ सय ५० रुपैयाँमा कारोबार भइरहेको महासंघले जनाएको छ । 

यस्तै, चाँदीको मूल्यमा पनि आज थोरै वृद्धि भएको छ । नेपाली बजारमा आज चाँदीको मूल्य तोलामा ५ रुपैयाँले बढेर १ हजार ३३० रुपैयाँमा कारोबार भइरहेको महासंघले जनाएको छ ।