याडियाले नेपालमा सार्वजनिक गर्‍यो तीन नयाँ विद्युतीय स्कुटर, मूल्य २.५० लाख रुपैयाँदेखि

काठमाडौं। नेपालका लागि याडियाको आधिकारिक वितरक कुजु नेपाल प्रा. लि. ले नयाँ पुस्ताका याडिया जीएस७०, जीटी७० र जीटी८० विद्युतीय स्कुटरहरू नेपाली बजारमा सार्वजनिक गरेको छ। कम्पनीले आधुनिक प्रविधि, उच्च कार्यक्षमता र नेपाली उपभोक्ताको बदलिँदो आवागमन आवश्यकतालाई ध्यानमा राखेर विकसित गरिएका यी स्कुटरहरूले स्मार्ट विद्युतीय गतिशीलताको नयाँ अनुभव प्रदान गर्ने जनाएको छ।

विश्वव्यापी रूपमा अग्रणी विद्युतीय दुईपाङ्ग्रे सवारीसाधन ब्रान्ड Yadea ले नवीन प्रविधि, उत्कृष्ट प्रदर्शन तथा दिगो यातायात समाधानमार्फत नेपाली बजारमा आफ्नो उपस्थिति थप मजबुत बनाउँदै आएको छ। कम्पनीका अनुसार नयाँ जीएस७०, जीटी७० र जीटी८० मोडेलहरूले दैनिक सहरी यात्रादेखि लामो दूरी तथा प्रिमियम राइडिङ अनुभव खोज्ने ग्राहकसम्मका विविध आवश्यकतालाई सम्बोधन गर्नेछन्।

जीएस७० : दैनिक यात्राका लागि उपयुक्त

दैनिक सहरी आवागमनलाई सहज, भरपर्दो र किफायती बनाउन डिजाइन गरिएको याडिया जीएस७० मा २.१ किलोवाट–आवर एलएफपी ब्याट्री र २.८ किलोवाट पिक मोटर जडान गरिएको छ। कम्पनीका अनुसार यो स्कुटरले एकपटक पूर्ण चार्जमा १०५ किलोमिटरसम्म यात्रा गर्न सक्छ। सुविधा, आराम र विश्वसनीयताको सन्तुलित संयोजन भएकाले जीएस७० दैनिक प्रयोगकर्तामाझ आकर्षक विकल्प बन्न सक्ने अपेक्षा गरिएको छ।

जीटी७० : लामो दूरीका लागि तयार

अधिक रेन्ज र लामो दूरीको यात्रा आवश्यक पर्ने प्रयोगकर्तालाई लक्षित गर्दै तयार गरिएको जीटी७० मा ५.७ किलोवाट–आवर क्षमताको डुअल एलएफपी ब्याट्री प्रणाली (३.६ किलोवाट–आवर फिक्स्ड र २.१ किलोवाट–आवर रिमुभेबल) तथा ३.७ किलोवाट पिक मोटर उपलब्ध छ। यसले एकपटक चार्जमा २२० किलोमिटरसम्म यात्रा गर्न सक्ने कम्पनीको दाबी छ। रिमुभेबल ब्याट्री सुविधाले चार्जिङलाई थप सहज र लचिलो बनाएको छ।

जीटी८० : प्रिमियम प्रदर्शनको नयाँ परिचय

याडियाको प्रिमियम सेग्मेन्टअन्तर्गत रहेको जीटी८० मा ३.६ किलोवाट–आवर लिथियम ब्याट्री, ५ किलोवाट पिक मोटर तथा प्रतिघण्टा ८० किलोमिटरसम्मको उच्च गति उपलब्ध छ। कम्पनीका अनुसार यो स्कुटरले एकपटक चार्जमा १५० किलोमिटरसम्म यात्रा गर्न सक्छ। आधुनिक डिजाइन, उच्च प्रदर्शन र आरामदायी राइडिङ अनुभव खोज्ने ग्राहकलाई लक्षित गरी यो मोडेल विकास गरिएको हो।

स्मार्ट प्रविधि र उन्नत सुरक्षा

नयाँ याडिया सिरिजमा ब्लुटुथ कनेक्टिभिटी, टीएफटी स्मार्ट डिस्प्ले, मोबाइल नेभिगेसन मिररिङ, याडिया स्मार्ट एप कनेक्टिभिटी, पाँचजनासम्म प्रयोग गर्न सकिने फ्यामिली सेयरिङ तथा स्मार्ट की-लेस प्रणाली जस्ता आधुनिक फिचरहरू समावेश छन्।

सुरक्षालाई प्राथमिकतामा राख्दै तीनै मोडेलमा ट्र्याक्सन कन्ट्रोल सिस्टम (टीसीएस), क्रुज कन्ट्रोल, हिल होल्ड कन्ट्रोल, हिल डिसेन्ट कन्ट्रोल तथा डुअल डिस्क ब्रेकिङ सिस्टम उपलब्ध गराइएको छ। यी प्रविधिले विभिन्न सडक तथा भौगोलिक अवस्थाहरूमा सुरक्षित, स्थिर र आत्मविश्वासपूर्ण राइडिङ अनुभव प्रदान गर्ने कम्पनीको दाबी छ।

३ वर्षसम्म ब्याट्री वारेन्टी

कम्पनीले जीएस७०, जीटी७० र जीटी८० मा ३ वर्ष वा ५० हजार किलोमिटरसम्मको ब्याट्री वारेन्टी उपलब्ध गराएको जनाएको छ। यसले ग्राहकलाई दीर्घकालीन विश्वसनीयता र थप मानसिक सन्तुष्टि प्रदान गर्ने विश्वास कम्पनीको छ।

देशभर उपलब्ध, विशेष छुटको व्यवस्था

नयाँ याडिया स्कुटरहरू हाल नेपालभर रहेका २० वटा आधिकारिक डिलरसिपमार्फत बिक्रीका लागि उपलब्ध छन्। कम्पनीले आगामी दिनमा आफ्नो डिलर तथा सेवा सञ्जाल थप विस्तार गर्ने योजना पनि सार्वजनिक गरेको छ।

लन्च अफरअन्तर्गत नाइमा अटो शो सम्पन्न नहुँदासम्म तीनै मोडेलमा १० हजार रुपैयाँसम्मको विशेष छुट प्रदान गरिने कम्पनीले जनाएको छ। इच्छुक ग्राहकहरूले नजिकको आधिकारिक याडिया शोरुममा पुगेर टेस्ट राइड लिनुका साथै फाइनान्सिङ सुविधा र स्वामित्वसम्बन्धी थप जानकारी प्राप्त गर्न सक्नेछन्।

मूल्य सूची

याडिया जीएस७० – २ लाख ३० हजार रुपैयाँ
याडिया जीटी८० – ३ लाख ३० हजार रुपैयाँ
याडिया जीटी७० – ३ लाख ६५ हजार रुपैयाँ

कम्पनीका अनुसार विशेष छुटपछि ग्राहकहरूले यी मोडेलहरू अझ आकर्षक मूल्यमा खरिद गर्न सक्नेछन्।