सीजी इलेक्सको जाडो तथा एनपीएल सिजन लक्षित ईएमआई र एक्सचेन्ज अफर

काठमाडौँ । सीजी इलेक्ट्रोनिक्स अन्तर्गतको सीजी इलेक्स ले जाडो याम र एनपीएल क्रिकेट सिजनलाई लक्षित गर्दै विशेष ईएमआई तथा एक्सचेन्ज सुविधा समेटिएको अफर सार्वजनिक गरेको छ। कम्पनीका अनुसार पुराना उपकरण साट्दा बजार–अनुसारको उच्च मूल्यांकन उपलब्ध हुनेछ भने नयाँ उपकरण ईएमआई मा खरिद गर्दा दैनिक ४५ रुपैयाँ बाट सुरु हुने किस्ता सुविधा प्रदान गरिएको छ।

अफरअन्तर्गत टेलिभिजन, फ्रिज, वासिङ मेसिन, एयर कन्डिसनर, डिस्वासर, कुकिङ रेन्ज, चिम्नी लगायतका घरायसी उपकरण समेटिएका छन्। क्रिकेट सिजनलाई ध्यानमा राख्दै फोर–के स्मार्ट टिभी सहितका विभिन्न मोडेलमा आकर्षक ईएमआई र एक्सचेन्ज सुविधा उपलब्ध गराइएको कम्पनीले जनाएको छ।

४३ इन्चभन्दा ठूला स्मार्ट टिभी खरिद गर्ने ग्राहकले रु२ हजार २ सय रुपैयाँ बराबरको नेट–टिभी ९ महिनाको निःशुल्क सब्स्क्रिप्शन प्राप्त गर्नेछन्। अफरमा एलजी, सीजी इन्स्पायरिङ, सीजी मेरिडिया, गोडरेज, टीसीएल, बर्ली, केन्ट आरओ, मिडिया, बेको, ब्ल्याक एन्ड डेकर, एलिका, सेन्सेई र क्रम्पटन ब्रान्ड समावेश छन्।

ग्राहकले सीजीइलेक्स डट कम मा गएर आफ्ना पुराना उपकरणको मूल्यांकन आफैँ अनलाइन चेक गर्न सक्नेछन्। वेबसाइटबाट तुरुन्तै मूल्यांकन थाहा पाइने भएकाले निर्णय प्रक्रिया झनै छिटो र पारदर्शी हुने कम्पनीको भनाइ छ।

कम्पनीले जाडोमा बढी प्रयोग हुने गिजर, हीटर, वासिङ मेसिन लगायतका उपकरणमा समेत ईएमआई सुविधा लागू गरेको छ। त्यस्तै किचन उपकरण—डिस्वासर, कुकिङ रेन्ज, चिम्नी आदिमा ईएमआई तथा एक्सचेन्ज दुवै सुविधा उपलब्ध छन्।

यो अफर देशभरका सीजी डिजिटल, एलजी ब्रान्ड सप शो–रुमहरू, सीजी इलेक्ट्रोनिक्सका अधिकृत डिलर नेटवर्क तथा सीजीडिजिटल डट कम डट एनपी मार्फत उपलब्ध हुनेछ। कम्पनीका अनुसार धेरै मोडेलमा निःशुल्क डेलिभरी तथा निःशुल्क इन्स्टलेसन सेवा पनि प्रदान गरिनेछ।