रविलाई थुनामा पठाउने उच्च अदालतको आदेश

काठमाडौं । सुप्रिम सहकारी ठगी र संगठित अपराध अभियोगमा राष्ट्रिय स्वतन्त्र पार्टीका सभापति रवि लामिछानेलाई थुनामा पठाउने उच्च अदालत तुलसीपुरको बुटवल इजलासले आदेश दिएको छ। यसअघि रूपन्देही जिल्ला अदालतले एक करोड धरौटीमा रिहा गर्ने आदेश दिएको थियो।

पूर्व डीआईजी छविलाल जोशीलाई थुनामा पठाउने जिल्लाको आदेश उच्च अदालतले सदर गरेको छ भने फरार अभियुक्त जीबी राईसहित ४२ जनामाथि ५५ करोड रुपैयाँभन्दा बढी अपचलनको आरोप छ। रवि, छवि र जीबीले मात्र १० करोड ९९ लाखभन्दा बढी रकम अपचलन गरेको अभियोगमा उल्लेख छ।