काठमाडौं महानगरबाट दुई सहकारी संस्थाको दर्ता खारेज

काठमाडौं । काठमाडौं महानगरपालिकाले दुई सहकारी संस्थाको दर्ता खारेज गरेको छ ।

काठमाडौं महानगरपालिका सहकारी विभागको साउन १६ गतेको बैठकको निर्णय अनुसार ज्येष्ठ नागरिक स्वास्थ्य सेवा सहकारी संस्था (वडा नं. ५) र सुकस बचत तथा ऋण सहकारी संस्था (वडा नं. ७)को दर्ता खारेज गरेको हो ।

दुवै सहकारी संस्था महानगरको सहकारी ऐन २०७४, दफा ६६ को उपदफा (१) अनुसार खारेज गरिएको महानगरपालिकाले जनाएको छ ।