काठमाडौं । नेपाली कांग्रेसका पूर्वमहामन्त्री शशांक कोइरालाले नेपाली कांग्रेस छियाछिया भएको बताएका छन् ।
नेपाल प्रेस युनियन काठमाडौंकोे नवौँ अधिवेशन उद्घाटन गर्दै कांग्रेसलाई कसरी पुनर्जीवन दिने भन्ने विषय आजका लागि चुनौतीपूर्ण भएको बताए ।
“कांग्रेसलाई कसरी सुदृढ गर्ने ?,” नेपाली कांग्रेसको संस्थापक नेता बीपी कोइरालाका कान्छा छोरा समेत रहेका कोइरालाले भने, “कांग्रेस छियाछिया हुन थाल्या छ । कसरी पुनर्जीवन दिने ?”
कांग्रेसमा देखिएको समस्याले देशको संविधान समेत जोगाउन राष्ट्रिय शक्तिकै उपस्थिति नदेखिएको बताए ।
“आउदो भविष्यमा हामी कसरी जाने ?,” संविधानको रक्षाका लागि समेत अविभावकीय भूमिकामा कोही नदेखिएको संकेत गर्दै कोइरालाले भने, “लेखेर मात्र हुँदैन । ७० वर्ष लगाएर लेखेको संविधान जोगाउनु पर्नेछ । सम्बिधानमाथि प्रहार भएको छ ।”
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
