काठमाडौं । नेपाली कांग्रेसका सभापति शेरबहादुर देउवाले नेपाल विद्यार्थी संघको नेतृत्व प्रति आक्रोश पोखेका छन् । कांग्रेसका पूर्व सभापति स्वर्गीय गिरिजा प्रसाद कोइरालाको ९६र्औ जन्म जयन्तीको अवसरमा आज काठमाडौंमा आयोजित कार्यक्रमलाई सम्बोधन गर्दै उनी नेविसंघले संगठन विस्तारमा काम नगरेकोप्रति आक्रोशित भएका हुन् ।
गाउँगाउँमा, स्कुल स्कुलमा संगठन बनाउन नसक्ने तर काठमाडौंमा भाषण गरेर बस्ने प्रवृतिले विद्यार्थी संगठन कमजोर बनेको सभापति देउवाको भनाइ छ । सभापति देउवाले पहिला गाउँ र स्कुलमा गएर नेविसंघ बनाएर मात्र आफुसँग कुरा गर्न आउन विद्यार्थी नेताहरुलाई निर्देशन दिए ।
आफू अहिले सम्म चारपल्ट प्रधानमन्त्री भएको तर अहिलेको कोहीपनि विद्यार्थी नेताहरु भविश्यमा प्रधानमन्त्री बन्ने लायकको नभएको भन्दै लाज मन्नुपर्ने अवस्था आएको देउाको भनाइ छ ।
सभापति देउवाले कोरोना महामारीको बेला कार्यक्रम किन गरेको भन्दै विद्यार्थीहरुलाई प्रश्न समेत गरे । उनले सामाजिक दुरी नराखी कोरोनाकाबीच कार्यक्रम आयोजना गरिएको भन्दै असन्तुष्टि समेत जनाए । सभापति देउवाले अहिले नेविसंघ भित्र देखिएको विवाद केही पनि नभएको र दुई पक्षबिच कुरा गरी समस्याको समाधान निकालिने बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
